لطفاً: ممنوع الزيارات ... " لدينا توجيهي "

انا بستغرب من بعض بالناس
بحياتهم عمرهم ما سألوا ابنهم /ابنتهم عن دراستهم ولا قالولهم وين ربنا حاطكو
وبس يصل الولد او البنت التوجيهي بصيرو يحكو بدنا تنجح/ي بدنا نطخ بدنا نسوي حفلة
بدنا تطلع/ي دكتور/ة وبدنا وبدنا وبدنا.....
وهاد الشي غلط بدك بنتك/ابنك ينجح ويجيبلك معدل
اهتم فيهم من صغرهم أسسهم عودهم على الدراسة الصح شجعهم وتابعهم باستمرار
مش 11 سنة ما بتسأل فيهم وبعدين عند التوجيهي بدك معدل

وبعض الناس والطلاب بعطو التوجيهي اهمية زيادة عن اللزوم
وبطلعو من التوجيهي معقدين نفسيا ياما طلع مجانين من التوجيهي هههههههه
والسبب ما هو التوجيهي ولا منهاجه السبب في الطالب وتفكيره ومدى وعيه وفهمه للامور

صح عاشقة
كل الناس نفس العقل مثلا
اذا بكرا بتنجع راح انطخلك
وكمان اذا بدك تنجح بعطيك سيارة
هاد بزيد توتر
اذا اعطيتو الطالب مجال الدارسة
غصبن عنو
بنجح
تحياتي لك
زهرة المدائن

شكرا لك اخت لميس عالموضوع الحلو والمثير للنقاش ..
متل ما حكت الاخت عاشقة انه الواحد لازم يهتم باولادو من اول ما ببلشو بالمدرسة مش بس بالتوجيهي ..
وكمان بدي اقول انه احنا معطيين التوجيهي قيمة كبيرة كتير اكتر من اللازم وهاد بنظري غلط ..ليش؟
لانو انا بعتبر التوجيهي متل اي صف تاني .. هو صح التوجيهي تحديد مصير ومهم جدا بس لازم نعطيه على قدر حجموا .. مش نكبروا كتير كتير ..
التوجيهي اله رهبة كبيرة وفيه توتر وخوف كتير .. طيب ليش هاد الشي مش موجود في باقي الصفوف ..؟؟
مع انه الجامعات اليوم بتطلب شهادة الصف العاشر والاول ثانوي والتوجيهي .. يعني الصفوف التانية مهمة مش بس التوجيهي ..

اللي عنده طالب توجيهي لازم يوفرلو مكان هادي يضل يدرس فيه .. بعيد عن الفوضى والغوش بالعامية خلينا نحكيها ..
بس مش لدرجة انه يهلك باقي الاسرة معو ..

باختصار اللي ما بيهتم باولادو من اول ما ببلشو بالمدرسة ما رح يشوفهم ناجحين بتفوق ومعدلات عالية ..
لانو الدراسة بدها متابعة من الطالب والاهل كمان ..

وفي كتير من الطلاب بيعتقدوا انه التوجيهي صعب .. اصعب من الصفوف التانية ..
بصراحة التوجيهي لا صعب ولا سهل .. التوجيهي بده متابعة وبس ..
يعني المواد الي الطالب بياخدها .. لازم كل يوم يروح على الدار ويراجعها ويحفظها ..
وهيك ما بكون بيتصعب من اي شي ..
وانا بتحدى اي طالب بالتوجيهي اذا كان يدرس اول باول على جميع المواد بالاخر رح يكون معدله منيح يعني رح يتعدى ال 85 ..
انا طالب توجيهي ومجرب والمثل بقول اسأل مجرب ولا تسأل طبيب ..هههه
وعلى فكرة امتحانات الوزارة النهائية يعني .. بتكون اسهل من امتحانات المدرسة ..
لانو الاساتذة الي بالمدرسة .. بيعطوا طلاب التوجيهي بالامتحانات النهائية ..
الاسئلة الي اجت من سنوات سابقة .. بيختاروا اصعب الاسئلة .. وبجيبوها ..
بس بامتحانات الوزارة بكون الامتحان مراعي لمستويات الطلاب .. يعني 70% من الاسئلة بتكون عادية ومتوسطة .. واي طالب بكون بالتوجيهي بحلها وبجيبها كاملة ..
وبكون في 20% اسئلة اكتر من المتوسطة بشوي .. بس كمان الطالب بحلها ..
وبجيبوا سؤال في لفة متل ما بنقول .. وهاد السؤال اذا بفكر فيه الطالب وبركز فيه بتوقع رح يجيبو ..

اسف على الاطالة .. وبالاخر بتمنى لكل الطلاب الي بالتوجيهي واللي بأي صف من الصفوف .. التوفيق والنجاح ..
وان شاء الله دايما متفوقين جميعا ..
لي ولكم التوفيق والنجاح ..

تحيتي .. اخوكم ابو يزن

ممنوع فتح التلفاز.. ممنوع الصراخ أو اللعب أو الكلام..
لطفا لدينا طالب توجيهي
الله يعين ان شاء الله كل بنجاح
كل التوفيق لكِ ولجميع طلاب التوجيهي

لك مني أجمل تحية .

شكرا اكتير على الردود الحلوة


ابو يزن عبجني اكتير ردك للموضوع
احنا هون حتى مو بس احنا والكل بفلسطين وبرا يمكن بعطو اهمية اكتتتيرللتوجيهي, بس حلو اكتتتير شعور الفرحة بالنجاح بتمنى للكل يجربو وخصوصاولكل طالبات وطلاب التوجيهي بالنسبة للامتحانات
حكيك منطقي مية بالمية وطريقة التصليح مختلفة تماما عن زمان ,بس كنت بصف عاشر كانو ما يدققو على كل كلمة
بس بالاول ثانوي كل كلمة محسوبة واذا حبيبت تتفلسف يعني تزيد علي كاتبو يمكن يضرك
بس بدي احكي عن شغله الزيارات عنجد مو لازم تزوروا بيت فيه طالب توجيهي
لانوا التوجيهي بكون قرفان حالو بكون بدور على طريقة يهرب من الدراسة

بتمنى للكل النجاح