اغاني كلنا غنيناها واحنا اطفال

اغني كثير حلوة كنا نغنيها واحنا صغار
ا أحلا غنانينا وأحنا صغار لما كنا نغنيها وأحنا نلعب
بلتراب ولا تحت شجر الرمان والصنوبر
اه على هديك الأيام



أنا طفلة عربية ،،،، بحارب مع الفدائية
أنا عمري ثلاث سنين ،،،، قلبي صوان متين
ما بحمل فرد فلين ،،،، وبرمي قنابل يدوية
أنا عمري ما بخاف ،،،،، ولا نتخبا تحت لحاف
والصهاينة قبالي ضعاف ،،،وبكفي اني عربية



يا رايح على الشجرة
جبلي معك بقرة
حلابة العشرة
تحلب وتسقيني
يا رب تنجيني
انظروا انظروا يا ولاد
ربانا شيخ الشباب
اللي عيون سود سود
مكحلات براس العود


حدوته بدوته ،،،،،،،،، طلع الشيخ ع التوته
والتوته بدها فاسة ،،،،،،،، والفاسه عند الحداد
والحداد بدو بيضه ،،،،،،، والبيضه عند الجاجة
والجاجة بدها علفة ،،،،، والعلفة بالطاحونة
والطاحونة مسكرة ،،،،، فيها مية معكرة

حديرجه بديرجه *** من خيها لبيها
قالت لي معلمتي *** جيبي زيت وبصل
وقع الكوز وانكسر *** حلفت معلمتي
لتعلقني بالشجر *** والشجر مليان عروق
خبي إجرك يا *** منيحه يا عروس
يا أم الحلق *** والدبوس

حطو مقص على مقص ،،،، سبع عرايس تنزف
حطوا منخل على منخل ،،،، سبع عرايس تدخل



شمست شمسية ،،،،،،،،، على قريعة عشية
عيشة بالمغارة ،،،،، جابت قط وفارة
ضربته ع تمه ،،،،،،، راح يعيط لامه
فتت له فطيرة ،،،،،،، على قد الحصيرة



طيري وهدي *** يا وزه
ع بلاد غزة *** يا وزة
قطف العنب *** بالسلة
مقطوف مقطوف *** آمنه
يا معطارتي *** آمنه
دقت الكبة *** آمنه
انزلت على الشركه البركه
يا خالو..
لقيت خواتي الستة
يا خالو..
لقيت مندوب الأزعر
يا خالو..
عما يمشي او بتكعور
يا خالوا..


أنا البطة البلدية *** بسبح في وسط المية
لاقوني اثنين يهوديه *** قالوا لي وين الهوية
قلت لهم أنا فدائية


آه يا فارة *** ليش محتارة
قالت آه قطتنا *** عجلي فوتي بخيمتنا
عجلي فوتي بخيمتنا *** نونو نو بستنا


طلعت ع السطوح *** رماني الهوا
شافني الدكتور *** واعطاني دوا
فستقه يا بندقه *** يا حبة كستنا

يا ربي تشتي *** وأروح عند ستّي
تعمل لي فطيرة *** قد الحصيرة
آكلها وأنام *** واصبح جيعان
اشتي وزيدي *** بيتنا حديدي
عمنا عبد الله *** رزقنا ع الله
يا رب تشتي لنا *** ونغسل غسلينا
غسيلنا بالطابية *** لنعمل زلابية
كل واحد قرص، قرص *** والباقي لام العروس
يا الله الغيث يا ربي *** خبزي قرقد في عبي



يا عصفوره مين ربالك ريش...........يمكن بابالالالالالا يمكن
يمكن مامالالالالالالالالالالال..............ولا مين رب العالمين
___________________________________
بابا جبلي هاديه ...رشاش وبندقيه ....لما صير شب كبير...بدخل في جيش التحرير ....جيش التحرير علمنا ...كيف نخدم وطنا...وطنا غالي غايل ...ما من بيعو باصاري ...منصورين...منصورين....على امريكا واسرائيل ....يا اسرائيل يا بنت الكلب ....شو جابك على هذا الدرب
_______________________________________________

لميسو شو كنتي تغني وانتي صغيرة
شو رائيك تكتبيهن
وانت كمان دلوعة
خلينا نتعرف على اغاني جديدة
نورتن حجات