كرسي الاعتراف

المدير العام كتب:

السلام عليكم ورحمة الله وبركاته
وعليكم السلام ورحمة الله وبركاته
كرسي الأعتراااااااف



طبعا هي انا جبتلكم الضيفة الرائعة الماس حياتي
انت الاروع



انا سوف ابدا بسؤالها باسئلة خفاف دم
ان شاء الله

شواسمك الحقيقي؟؟؟؟؟؟؟؟؟؟
امل
وكم عمرك؟؟؟؟؟؟
23
وكم طولك بالضبط؟؟؟؟؟؟؟؟؟؟؟
165


كم اخ عندك؟
5
بعين اللي ما يصلي على النبي
وكم اخت ؟
7
سافرتي من قبل ؟ولوين ؟
نعم - كنت بالاردن
وسافرت على السعودية يعني على العمرة
عقبالكو
شو بيعنيلك السرير؟
راحة وهروب من الحياة لعالم هادي
وما فيو مشاكل
شو بتعنيلك المخدة؟
الغيمة الي بتحملني على هالعالم الثاني
بدي اعرف

قديش وزنك؟
شو هالاحراج
60

لون اعيونك؟
بني غامق
بدي اعرف كمان
طيب
شو طابخين اليوم ؟هههههههههههههه
فول اخضر
وكمان قليلي اي ساعة بتصحي الصبح ؟ ولاي ساعة بظلي سهراني ؟
انا بصحى من صلاة الصبح وبضلني صاحية
والسهر حسب الوضع اذا مستاهلة ولا لا
وشو بتفطري الصبح |؟هههههههه
اي شي المهم لازم افطر الصبح
والا .....
قليلي بتحبي تلبسي فستان ولا بنطلون ؟
حسب الوضع
بس الاكثر بنطلون

كمان شو غنيتك المفضلة ؟

ما في اغنية معينة اللي حلو بسمعو


يلا يا الماس حياتي جاوبي
ويلا يا اعضاء بلشو في الماس حياتي الجميلة اسئله
سلام
الله يسلمك
تحياتي اليكم جميعا الماس خاصة

اخوانكم
المدير العام ... اميرة الظلام
يسلموا على هالاسئلة الخفاف الزراف متلكو حبايبي
والله يستر من الجاي

ههههههههههههههههههههههههههههههههههههههههههه

المدير العام كتب:

من هو عضو نال على اعجابك بالمنتدى ؟؟؟
كتير اعضاء

بس بيعجبني اسلوب سيد القمر

متى دخلت المنتدى؟؟؟

في نهاية شهر 8
ماهو أجمل موضوع قراتيه في المنتدى ؟؟؟

كثير مواضيع بس اخر موضوع

هو موضوع الاخت ميمي تالمت فتعلمت ....
ماهي اكلتك المفضلة؟؟؟

المعكرونة
ماهو اجمل قسم في رايك في المنتدى؟؟؟

المنتدى العام ومنتدى القصص
كيف مرت عليك اجازت العيد ؟؟؟

عادية جدا
متى تعرفت على المنتدى ؟؟؟

نهاية شهر 8 تعرفت علي عن طريق غروب ودغري سجلت فيو

ومن يومها مو قادرة ابعد عنو - ههههههه - اسرني

حكمتك في الحياه ؟؟؟

اذا لم تكن ذئبا اكلتك الذئاب
مطربك المفضل ؟؟؟

كاظم الساهر ونجوى كرم
متى تكون الماس حياتي سعيدة ومتى تكون حزينة ؟؟؟

تكون سعيدة عندما تشعر بان من حولها سعيدون وحزينة بالمثل
موقف طريف مر بك وانت في المنتدى ؟؟؟

لا اتذكر

مقلب من احد الاصدقاء ؟؟؟

قبل يومين في المدرسة زميلتي اخذت تلفوني واخفتو من اول النهار لاخر النهار

وعصبت كثير ولما جابولي اياه خبطتوا بالارض وصار 6 شقف - مجنونة
ما رايك بكل من !!!
غروب نوارة المنتدى

طيوبة كثيروشديدة واميرة الظلام
والمدير العام طيب ورائع واخ عزيز
اخ وصديق صادق وصريح وسيد القمر
عضوة مميزة وهنا
ووطن عمري متميزة بكل معنى الكلمة وذات ذوق رائع
عضوة نشيطة دلوعة القمر

بكل صراحه خيتوو



جاوبي بكل صراحة
لمن تعطي هذه الالقااااب !!!
القلم الذهبي وطن عمري
العضو المميز ادم
عضو ما في منه اثنين سيد القمر
عضو تحبي متابعه مواضيعه الكل

ورده حمرااااء المدير العام
ورده بيضاء انا ههههه
المكنسه ما حد على سلامة الجميع



ما هي برايك سلبيات المنتدى ؟؟؟

انو المنتدى ما فيو حركة كثيرة

والسبب معروف لانو اكثر الاعضاء بيدرسوا بالتوجيهي

الله يعينهم ويوفقهم
مارايك في !!!
الصدق نادر الوجود
الاخلاص كلمة معدومة الوجود محذوفة من القاموس
الحب اجمل احساس
الوفاء ابن عم الاخلاص
االصداقه كان زمان
الحياه سلف ودين
متى تعلمتي الانترنت؟؟؟

من زمان من ايام التوجيهي

يعني 8 سنين

هل تحبي الكذب؟؟؟

لا وما بعرف اكذب ولو بمزح بنمسك على الحامي

ههههههههههه
مااسم الشي الذي تحبيه؟؟؟

ما فهمت السؤال؟

مااهو افضل منتدى نال اعجابك؟؟؟

منتديات الشام
ما هي هوايتك المفضله ؟؟؟

الرقص

اذكري لنا موقف حرجت فيه كثير ؟؟؟

بلااااش

هل تحبين سماع الاغاني ؟؟؟

نعم
ما هو القسم الذي أعجبك في هاالمنتدى وما افضل موضوع قرأتيه في هاالمنتدى ومن كاتب الموضوع ؟؟ مكرر؟
معاك خمس ورود لمن تهديهم ؟؟؟

لاعز صديقة على قلبي

لابي

لامي

لحبي الاول

والخامسة بخليها لزوجي المستقبلي
من هو الصديق المفضل اليك ؟؟؟

صديقتي من الطفولة

واخرى من ايام الدراسة في الكلية
من هو العضو الذي تحبين المزاح معاه في ها المنتدى ؟؟؟

سيد القمر وادم والمدير العام
ما رايك في الاعضاء الذين يسجلوا معنا في المنتدى ولا يشاركوا بكثرة ؟؟؟

تافهين جدا
من الذي تحبيه من قلبك ؟؟؟

؟؟؟؟؟؟؟

مين أغلى عضو على قلبك ؟؟

المدير العام
احب ان اهديك وردة وانت ايش تهديني ؟؟؟

عيوني
من هو الشخص الذي اذا غاب عن المنتدى تسألي علية ؟؟؟

كثار ولاكثر انا فاقدة الاخ فتحاوي حتى النخاع
وما هو احزن موقف؟؟؟

؟؟؟؟؟؟؟
من هم الاعضاء الذي لهم فتره طويله لم يشاركوا واحسستي ان لهم تاثير على المنتدى ؟؟؟

فتحاوي حتى النخاع
مارايك في المنتدى في الوقت الحالي ؟

احسن من اول انا شايفة انو بيزدهر من يوم ليوم
من هو العضو الذي لاتعرفيه الا عن طريق المنتدى وتتمني ان تتعرف عليه اكثر؟

دلوعة فلسطين
شو احلى قسم عندك في المنتدى وتحبي دوووم تشاركي فيه ؟؟؟

مكرر
احلى نكته سمعتيها اليوم او امس او اللي بعده ؟؟؟

مرة فيل تزوج نملة وما تفقوا فقال لها انو بدو يطلقها تفاجات وحكتلو والفيل اللي ببطني

هههههههههه بايخة
هل انت تحبين المرح او تحبين الوحده اكثر ؟؟؟؟ ولماذا ؟؟؟

بحب الوحدة بس الاكثر انا انسانة مرحة بطبعي
هل تحبين الرياضه واي نوع من انواع الرياضه ؟

طبعا الجري
من هو اكثر عضو نشيط في الوقت الحالي من وجهة نظرك؟؟؟؟

دلوعة فلسطين ولميس
ممكن تقولي افضل بيت شعر سمعتيه واللي تحبي تقوليه دايما؟؟؟

لا تاسفن على غدر الزمان لطالما رقصت على جثث الاسود كلاب

لا تحسبن برقصها تعلو على اسيادها تبقى الاسود اسود والكلاب كلاب



هل حياتك العاطفيه ممتلئه ام ..........؟؟؟

حاليا لا لانو مو من زمان كنت خاطبة بس فسخت الخطبة لانو ما اتفقنا

اختر الاجابه الصحيحه من بين الاقواس
هوايتك المفضله هي ( الانترنت - عمل مقالب للناس -ولا وحدة

_ تحبي المنتدى لـ ( لانك عضو فيه- لان مواضيعه حلووه )
46_ لماذا حبيتي المنتدى ( لان فيه مواضيع مفيده - لان فيه صبايا حلووين)
47_ اكملي الفراغ
انتي يا امل من محافظة ............... مديرية ............ منطقة ............
بدأتي مشوارك التعليمي في مدرسة ..الزهراء..... بمنطقة ........ .
تعيشي بين اسره مستواها المعيشي ....متوسط.. حيث يقوم بكفالة البيت ....

هل اعضاء المنتدى جدين (( يعني بياخذو الامور بجد )) ام هزليين ؟؟؟

هيك وهيك
ما الشيء الذي يشعرك بأكبر قدر من الإحراج؟

خاص
هل تفكري بالزواج قريبا ؟؟؟

كل شي قسمة ونصيب
كيف يعبر عليك يوم ما تدخلي فيه النت ؟؟؟

ما بقدر صعب
هل العشره الكثيره مع شخص تقلل من احترامك او العكس؟؟؟

حسب ممكن اه وممكن لا حسب شو انت بتعرف عن الشخص خلال هاي العشرة
لمن تزيد محبتك لشخص تلاقيه يوميا ام لشخص تلاقيه في السنه يوم ؟؟؟

اكيد لشخص بشوفو كل يوم وبيبادلني حزني وفرحي
اذا تعبت يداك من الكتابه وعيونك من النظر ورفعت ظهرك وغمضت عيناك في ماذا تفكر ؟؟؟

في الظلم الموجود بالعالم
اذا تفأجات بخبر وفاة المدير العام كيف يكون شعورك ؟؟؟

لا بعيد الشر شو هالسؤال
اذا تم توقيف المنتدى من قبل عصابة مسلحه هل ستقاتل لفتح المنتدى ام كيف موقفك ؟؟؟

بحاول بكل قوتي - واذا لا ممكن نبنبي هالمنتدى من جديد بالاصرار والتعاون
هل تختلف اطباع امل عن غيره من البشر؟؟؟

لا بالعكس عادية مثل كل البشر
هل عمرك تذكرتي موقف زعل بينك وبين صديق اوصديقة لك من المنتدى ؟؟؟

خاص

متى اول زياره لك لمدينة القدس؟

في الصف الثاني
اذكري المدن التي زرتيها غير مدينه القدس؟؟؟

كثار
لو قالولك انو بكرا عرسك في اي صاله بتفضلي انك تقيمي عرسك؟؟؟

لا ولا مرة بفكر انو اعمل في صالة
شو نوع السياره الي بتحبي تنزفي فيها يوم العرس وشو لونها وليش؟؟؟

امممممممممممممم اكيد هوندا حمرة


هل فارس أحلامك موجود بالمنتدى عضو؟؟؟

لا ولا مرة

الجزء الثاني من الاسئلة

ماذا يعني لك البحر ملك الاسرار

هل درست بمدارس شرعيه او اخذت دورات علميه لا انا درست بكلية رسمية
هل مرت بك وان تعرفت بشاب عبر الانترنت لا

هل تحلمي بان تكملي تعليمك الجامعي وماهي الشهادة التي تحلمين بها لا انا خلصت دراسة

كيف تقيمين الغش الذي يحصل في الامتحانات الوزاريه لا

ما رايك في الاسئله التي قدمتها لك انا هل ازعجتك او بالعكس ؟

لا ما ازعجتني بالمرة بس الله يسامحك وتعبت وانا اجاوب

بس الله يرضى عليك ويجوزك يا رب








يلا وينكم يا اعضاء بلشو اسئلة واي شي بيخطر ببالكم اسالوه اتفقنا



الله يسامحك بتحرضهم علي



هههههههههههههههههههههه

غروب كتب:

مرحيا حياتي الماس
اهلين حبيبتي غروب
كيفك شو اخبارك ان شاءالله
بخير - تمام بوجودكم
عند كم سؤال ان شاء الله يعجبوكي
ان شاء الله

س 1/تعرفي تطبخي ؟
اها مو مدح بس انا طياخة ناجحة
بحب المطبخ
س2هل انتي عصبيه والي اي حد ؟
الى اكبر الحدود
عصبيتي تحرجني
س3 ماذا يعني لك اللون الاحمر , الاسود , الوردي
الاحمر- الحب والحنان
الاسود - حياتي
الوردي - الانوثة الطفولية

س4 تسمعه اغاني .؟ اذا لا من متى بطلتي ؟
واذا اه لمن تحبه تسمعي ؟
بسمع اغاني بس مو مثل زمان
الصراحة بعد العمرة بحاول اخفف من سماعي للاغاني
او بسمع اغاني واناشيد دينية
س5 كنتي في السوق ومرت من قدامك وحده مسرعه وطاح منها بوك مليان فلوس واشياء شخصيه اخرى وانتي الوحيده اللي شفتيه ايش راح تسوي
1 تلحقيهاا مع انها مسرعه على الاخير والمكان زحمه
2 تعملي نفسك ماشفتي شي
3تلتقطي المفقودات وتبلغي
4 عندك حلول اخرى
اكيد 2 فرصة ولاحت هههههههه
مو تصدقي بحاول الحقها واذا ما قدرت ببلغ عن المفقودة

س6
لو في يوم انعزمتى عند وحده على العشاء
وتفاجأتي بانهم عاملين تشكيلة اطباق
بس المشكله ان الاطباق اللي عاملينها كلها ماتحبينها وعندك حساسيه منها
ايش بتسوي لحظتها ؟؟

بوكل غصبن عني مشان ما احرجها لانو صارت معي
ههههه والله لا يوريكي حالتي
س7 كم عندك شخص في الماسنجر ؟
4
س8 مارئيك بالشخص الفضولي ؟
تقيل دم
س9ايش اخر حلم حلمتيه في منامك ؟؟ وآخر حلم في يقضتك؟
عادة ما بحلم بس اخر حلم حلمتوا وخوفني حلمت انو ابوي مات
وقمت من النوم خايفة وما قدرت انام

س10 ايش نوع جوالك؟
سوني اريكسون

س 11 <كعب عالي , اكسسوريز ,اوفر ميك اب ,اظافر طويله ,رموش تركيب , عدسات >

<سبور شوز ,سمبل ميك اب ,شنطه سبور , جينز >
وين تلاقي نفسهاا مملكة الاخلاق في المجموعه الاولي ولا الثانيه ولييش ؟

المجموعة الثانية - لانو بحب الرياضة وما بحب اكون مطقطقة
بحب اكون سبور كل الوقت حتى مع اني بلبس جلباب

س12 اخر مسج جالك من مين كان ؟.


من صاحبتي
وبتسال
وين انتي ؟؟؟؟

يسلموا غروب على خفة دم اسئلتك مو مثل ناس
حابين ينتقموا مني

دلوعة فلسطين كتب:

مرحبا حبيبتي الماسة
كيفك ؟ الله يسلمك دلوعة
كيف الكرسي معك مريحة
هههههههههههه
اخر راحة
ههههههههههههه
بدي اسئلك كم سؤال
انشاء الله يكونوا خفاف
بتمنى ؟؟

1_
شو هوي الحلم الي كان نفسك تحقيقي ولسة ما تحقق؟
ما في حلم انا انسانة واقعية ما بفكر بالمستقبل
بحاول اعيش كل لحضة بلحضتها
2_
عمرك زعلتي صديقة الك بتحبيها وما سامحتك ؟
لا ولا مرة
3_
شو بتعنيلك كل من هاي الكلمات
الصداقة : علاقة وثيقة
الحب : مشاعر رقيقة
الحلم :حلم
4_
عمرك حبيتي حدا وطلع حابب وحدي غيرك ؟
اها وكان صعب كثير
5_
واخر سؤال :شو هو الشي اليانتي بتحبي بس ما تحققلك وبدك تحققي
في المستقبل لاولادك ؟
ماا في شي معين بس اكيد بتمنى انو اولادي يعيشوا حياة احسن بكل الاحوال

خلصت الاسئلة الماسة
انشاء يكونوا خفاف مش تقال عليكي
لا خفاف كثير
سلام
سلامين

hana كتب:

هااااااااااااااي الماااااااااس كيفك يا قمر
منورة الكرسي والله

بوجودك حبيبتي
ههههههههههههههه وقعتي بين ايدي
الله يسامحك

يلا عندي كم سؤال الك انشالله يكونوا خفاف دم


1-
شو بتعمل امل بحياتها؟

معلمة ابتدائي
2-
شو المواصفات اللي بتتمنيها بشريك يحاتك؟

متدين , متواضع , ما بيدخن , والباقي مو مهم
3-
عمرك مريتي بتجربة حب وكيف كانت نهايتها؟
اه بس اخر شي فهمت انو خاين وتركتوا


4-
مين اكتر عضو بتحسيه قريب من افكارك؟

سيد

5-
مين اقرب فرد بعائلتك الك؟

ولا حد

6-
شو بتحبي تعملي بأوقات الفراغ؟

قراءة القصص

7-
من عائلتك او من عملك في يا ترى انسان عاجبك وبتتمني لو يتقدملك؟
لا انا ما بدور على اللي عاجبني
بستنى اللي انا عاجبتو

8-
شغلك مريح ولا صعب؟

جدا صعب

9-
لو قالولك تعيدي دراستك شو كنتي بتدرسي؟

معالجة طبيعية

10-
بتحبي تقرأي عن الابراج؟وليه

لا ما بامن فيهم , لانو حرام
11-
شو اكتر اكله بتحبيها؟

المعكرونة

12-
عمرك كرهتي حدا لدرجة انك صرتي تدعي عليه؟

اها , الاسى ما بينتسى


13-
احكيلنا موقف اثر فيكي سواء سلبي او ايجابي؟

خطبتي , كانت فترة جدا صعبة علي واثرت فيني للسلبي
14-
شو اكتر شي بيستفزك؟

حدن يستهبلني
15-
اوصفي شخصيتك بأربع كلمات؟

امل متواضعة وبسيطة وحنونة

16-
شو رأيك بالمسلسلات التركية والناس اللي متابعينها اكتر من اخبار اهلهم؟

عادي , الناس بتملي وقت فراغها

17-
شو رأيك بقصص الحب اللي بتصير عن طريق النت؟


ضدها بصورة منحرفة لانها مو واقعية
ومبنية على اساس غلط





ممممممممممممممممممممممممممم


















خلص بيكفي اسئلة ههههههههههههههههه
وازا تزكرت كمان اسئلة بررررررررررررررجع

هههههههههههههه

اهلين فيكي وباسئلتك
تعالي كل يوم
ههههههههههههه

بتمنالك جلسة مريحة عالكرسي
سي يو

شكرا

لميس كتب:

حابة اسئلك كم سؤال
اول شي

بما انك معلمة عربي ليش اخترتي هاد المجال؟ولاي صف بدرسي؟
الصراحة اخترتو لاني ما كان مجال ثاني قدامي

بعلم صف ثاني ابتدائي
بتلبسي حجاب ولا لاء ؟
اه بلبس
شو رايك: بالمدير مكرر
وغروب مكرر
ولميس نشيطة ومرحة
شروق الشمس مثقفة

وانتي اصعيري اكيد عندك حلم وشو كان حلمك؟وهل عندك حلم ما حقتي بكبرك؟
لا
عمرك حكيتي بالسياسية ؟
اها
بالنسبة لكي شو يعني الصداقة؟

اجمل علاقة بس للي بيقدسوها وبيعرفوا معناها
لو حكولكي انو اليوم راح تشوفي حد من الاعضاء مين نفسك تشوفي؟

لميس انتي يعني
احكيلي بتحبي الشعر ؟ ومين شاعرك المفضل؟
لاا ما بيهمني

واحكي مقطع شعر انتي بتحبي؟

مكرر
واخر سؤال
هل بتحبيني ولا لاء؟؟؟؟ اذا لا او اه ليش؟؟؟؟
لا
انشالله تكون اسئلتي اخفاف عليكي
اكيد لموسة حبيبتي

meme كتب:

بصراحة الماس انا مو عارفة شو اسألك بس حابة احكيلك انك بنت بتجنني وبتستاهلي كل خير وعنجد الله يوفقك ويعطيكي اللي ببالك

سيد القمر كتب:

مرحبا الماس حياتي
كما تعودنا في كرسي الاعتراف لنا كامل الحريه المطلقه في انا نجاوب او لا على اي سؤال
بعرف والله
فأجوبتكي لي مخيره لا مجبره
وراح اسالك 25 سؤال بس
وكلهن مميزه عن اسئله اي عضو
طيب بنشوف

تفضلي بقرائتهم اولا

1) س كما تعودنا ان ناخذ راي الجميع بكرسي الاعتراف فمارايك اختي بكرسي الاعتراف ؟
فكرة جميلة من خلالها ينكشف العضو على جميع الاعضاء
ومن خلالو ايضا العضو ممكن يتعرف على حالو
ويفضفض شوي لانو بيشعر انو في ناس حابين يعرفو عنو
2)س -كل انسان وله أمنيات وأمال .. يا ريت تخبرينا عن الحلم اللي يراودك أو بالأحرى ؟

الأمنية اللي تتمنايها ... ؟
ما في اماني ولا امال بس انو نعيش باقي حياتنا بكرامة
4)
س شو أصعب المواقف اللي مريتي بها ؟
مكرر
4)
س شو موقفك من الحب ؟؟ وهل جربتيه ؟؟ هل تأمنين بوجوده ؟؟
الحب موجود , اي نعم مريت في من فينا ما بيشعر بالحب كل
يوم بحياتو , حب الاهل وحب الحرية وحب الوطن وحب الامل
وحب الاشخاص الي بيحبونا
5)س -فأي قرار تتخذه هل ..... تحكمين عقلك أم قلبك فيه ... ؟؟ ومن الأسبق فالتحكيم

قلبك أم عقلك ؟؟؟؟؟؟؟؟
اكيد وما في نقاش عقلي ما في مجال اعطي قلبي يتحكم فيي ابدااا
6)
س هل ندمتي فحياتك على شي معيّــن ؟؟؟
دايمن في اشياء الواحد بيندم عليها ما في شي معين يذكر الا يمكن فترة خطوبتي
بس دايمن الواحد بيتعلم من اغلاطو وبتعطي حصانة
7) س مالفـرق بين الحب والصداقة ؟ وهل يمكن ان يسلكا طرق الغيرة ؟
الحب والصداقة مشاعر صادقة
بس الفرق انو الحب ما ممكن يتحول لصداقة
اما الصداقة فسهل تتحول لعلاقة حب
ممكن لانو اذا انت بتعز انسان ممكن تغار عليه
8}_ما رأيكي بهذه الكلمات ..؟
..
المرأه.. نصف المجتمع بانيته وهادمته
الصداقة .. اجمل وانقى مشاعر
النميمة .. اعوذ بالله منها
النفاق .. وجوه ملونه
9)ما هو تعريفك للمجنون؟؟
الانسان اللي بيتحدى الكون
العاقل؟؟
الانسان الي ماشي مع التيار
المتكبر؟؟
انسان مو شايف حالو والا ما اتكبر
يعني اعمى
المتواضع؟؟

الانسان اللي عقلو مريحو
س10)
هل انتي راضيه عن نفسك ..؟؟
لا , لانو لو بايدي كنت راح اغير اشياء كثيرة بحياتي
وما هي المجالات التي تتمني ان تأخذيها منهاجا في حياتك ؟؟
ما فهمت السؤال , هههههههههه
11)ايش بتسوي لو انك ماشيه في الشارع و شفتي رجل قزم و شكله يفطس من الضحك(استغفر الله) بس انت ابتسمت ، رجع يقولك يا اختي لييش تبتسمين؟ تقوليله السبب و لا ( لا )؟
اكيد لا ما راح اجرح مشاعرو
ههههههههههههههههه
12)كلمه سمعتيها ودايما على بالك ولاتقدري تنسيها؟

ما في كلمة معينة
13)شو الشي اللي يخلي الماس حياتي فرحانه؟
وجود الناس الي بتحبهم وبيحبوها حواليها
14)بقولك المثل المحششي (( من طلب العلا نام الليالي وشد اللحاف وقال انا مالي ))
والمطلوب منك رد على هذا المثل ؟
اه والله صادق المثل

بيذكرني بالمثل طنش تعش تنتعش
وهيك لازم
15)من هى الاقلام التى لفتت نظرك فى المنتدى ولهاا قلام مميزه فى كتاباتها
وطن عمري
16) قلم وورقة بين يديك ماذا سوف تكتبين من مداد حبره على سطور تلك الورقة؟ ولمن؟
بكتب
الله يسامحك
لانسان جرحني كثير
17)عندما يبكي الطفل يبكي على صدر أمه ... فعلى صدر من تبكي الماس؟
على مخدتها , ما تعودت ابكي قدام حدا عادة ببكي بس اكون وحيدة
18) اكيد متلي سمعتي عن سيد القمر في هذا المنتدى
يمكن بتعرفيه لذالك انا حاب تعرفيني عليه بكم كلمه منك لاعرف مين بكون ؟
هههههههههه ازنخ عضو بالمنتدى
ولو سمعتي انو انجلط ومات شوراح يكون موقفك اول ما تسمعي الخبر
بكون زعلانة و ببكي شوي
بس بالاخير الموت حق
19)لمن تنساب دموع الماس حياتي ؟
عندما اكون مظلومة
20)لمن تهبين ابتسامتك دائما؟
للاطفال
21)
من هم الاعضاء الذي تتمنىن لقائهم بدون مجاملة ؟
الجميع صراحة
22)
بكل صراحة وبعيدا عن المجاملة ..مع ذكر الاسماء طبعا

1-لمن ارتحت في المنتدى فاتخذتيه صديقا واخا ؟؟
سيد القمر والمدير العام
2- افضل كاتب تتابعين مواضيعه وردوده
وطن عمري
3- افضل شاعر في همس القوافي
الصراحة مو متابعة كثير
مو صحبة انا والشعر
4- افضل مشرف وافضل عضو
افضل مشرف ادم
افضل عضو سؤال محير
5- عضو ترشحيه للإشراف
كمان محير
23)افضل قلم وكلمه لمن كانت في الساحه الثقافيه

يعني مين شاعر المنتدى بكل صراحه
ما بعرف لانو ما بحب الشعر وما بتابعو
24)هل الماس حياتي ممن يهوون حب المغامرات والتجارب , ام تعتمد على استراتيجيه معينه في حياتها؟؟
لا كثير بحب المغامرات وبحب اجرب كل شي جديد
بس في استراتيجية بحياتي وهي انو لكل شي في حد ما لازم نتعداه
25)واخيرا وليس اخرا ابا منك نصيحه منك لكل الشبااب ( بنات او اولاد ) اللي مايستغلون اوقات فراغهم في شي مفيد ؟

الله يهديهم - هههههههههه
ليش شايفني مصلحه اجتماعية
25 سؤال حلوات مش مكررات اسئلتي خاصه
الك كامل الحريه انك اتجاوبي اوما تجاوبي على اي سؤال فيهم
طيب يا اخ
شكرا كثير الك
تحياتي
احترامي
تقديري
لشخصك الكريم
سيد