قمر الليل كتب:
وكمان لموووووووووس روقي شوي خلي عقلي كبير وما تتسرعي في الحكم على الاشياء
{{ المدير العام }} 
الابراج : 
الأبراج الصينية :
عدد المشاركات : 5678
العمر : 32
البلد : Beit Awwa
وسام التقدير :
نقاط : 20374
السٌّمعَة : 30
تاريخ التسجيل : 11/08/2007
بطاقة الشخصية
your sms: اول شي تحية للجميع ..
وبعد هيك .. بدي احكي واعلق على كلامكم ..
انا بشوف انك يا اخت قمر الليل .. بتحكي كلام وبعدين بتحكي كلام يناقضة ..
وبعدين انتي باول الموضوع كنتي متعصبة برأيك .. وبعدين تراجعتي وصرتي محايده للطرفين ..
وبتحكي انه ليش احنا الشباب معصبين .. وبتفكرينا وحوش وبدنا نضرب ونهد عليكم ..
احنا بني ادمين متلنا متلكم .. وعندنا عقل وبنفكر .. وبنتناقش وبنّاقش ..
والاخت لميس .. متعصبة على رأي ومش قابلة انها تتراجع ابدا ..
اخت لميس انا بحكيلك انه رأيك غلط .. وحاولي انك تراجعي نفسك ..
وتفكري .. وبعدين بتحكي في هاد الموضوع ..
بتقولي احنا احسن منكم .. وانتو ابصر شو مالكم ..
هاد الحكي بدل على انك متعصبة ..
وهيك يعني خلص الكلام .. وما بيلزم انه نتناقش فيه ..
لانو حضرتك بتقولي في كلام صارم .. ونهائي .. يعني كأنه قرار ماخديته ..
هاد الموضوع اسمه موضوع نقاش ما بعرف كيف انتو ماخدينه ..
---------------------------------------------------------------------
وبعدين اغلبية البنات بيوقفوا معكم بالردود ..
وبوافقوكو الرأي .. وحتى في قسم بوافق على الرأي بدون ما يعرف شو الموضوع ..
وانتو بتحكو .. البنات احسن والبنات اعلى معدلات والبنات والبنات .. ومش عارف شو ..
احنا هون في هاد المنتدى .. كلنا داخلين هون ومسجلين لنستفيد .. ونتثقف ..
مش داخلين لنعمل حروب .. وونتعصب لرأي ولو حتى غلط ..
بدنا ناخد ونعطي .. مش لازم نضل على رأي واحد ..
احنا كلنا بدنا نستفيد من بعض .. مش غلط لو واحد اخد معلومة من التاني ..
ولا عيب ولا حرام .. ولا فيها شي .. الي بيعطي بيستفيد والي بياخد كمان بيستفيد ..
اذا بدنا نضل نفكر هيك .. وكل موضوع بكون فيه نقاش بدنا نعمل فيه تعصب افكار ..
مش رح تزبط .. ما نسكر المنتدى ونقعد ..
وخلينا نضل على آراءنا ..متل ما هيه .. ونصير نرجع للوراء بدل ما نكون في المقدمة ..
طيب احنا هون بنتناقش كلنا من بلد وحدة ..
لو فرضنا انه دخل زائر على المنتدى من بلد تانية .. ليقرا افكارنا .. ويشوف شو عندنا ..
اذا كل موضوع بلاقي فيه هيك .. الحرب شاعلة .. وتعصب في الآراء ..
انا متأكد انه ما رح يرجع مرة تانية ..
بس اذا بيعجبه الموضوع وبتعجبه طريقة النقاش .. واحترام البعض ..
رح يشكر اعضاء المنتدى وينضم النا ويصير ابن هالمنتدى .. ويشاركنا الرأي ..
----------------------------------------------------------------------------
وبعدين احنا بنكون مبسوطين لما بكون عندنا بنات بمعدلات عالية ..
بنات بترفع الراس .. .. بنكون فرحانين لانو بناتنا بيدرسوا بالجامعات وبمعدلات عالية ومتفوقة ..
بنكون مسرورين لانو عندنا بنات ذكيات ..
ونفس الشي لما بكون عندنا شباب هيك .. بمعدلات عالية .. ومتفوقين ..
مش لازم انه نتناقش ونقول احنا اشطر او انتو اشطر ..
----------------------------------------------------------------------------
الاخت سنبلة الخليل .. مشكورة على الرد .. ردك اعجبني ..
لانه ما فيه تعصب .. وحكيتي فيه بكل صراحة ..
ويمكن انتي بس الي عبرتي عن رأيك متل ما هو
--------------------------------------------------------------------------------
احنا هون في هالمنتدى .. بدنا نكون نتناقش مع بعضنا ..
كل واحد بيطرح رأيه .. بكل احترام .. والكل رح يسمع رأيه بكل احترام ..
بالاخر كل واحد حر برأيه .. بس ما يكون متعصب بالرأي ..
-----------------------------------------------------------------------------
اعتذر عن الاطالة بالحديث ..
اتمنى ان تتفهموا الموضوع ..
وتأخذوه بجديه .. لانه مهم جدا ..
واتمنى ان لا يزعل احد من كلامي ..
انا لا اقصد التجريح بأحد .. وكلامي عام .. للجميع ..
تحيتي وتقديري لجميع اعضاء المنتدى ..
اخوكم .. ابو يزن
{{ مشرف عـــام }} 
الابراج :
الأبراج الصينية :
عدد المشاركات : 1142
العمر : 29
البلد : Unfree Palestine
الحالة الاجتماعية : Thanks god
العمل : Student
نقاط : 19331
السٌّمعَة : 29
تاريخ التسجيل : 24/04/2009
بطاقة الشخصية
your sms: أرجو من جميع من قام بالرد على هذا الموضوع والنقاش
قراءة موضوع أيهما أذكى آدم أم حواء؟
الموجود بالقسم العلمي
هناك سيجد الجواب الصحيح
شكرا لكم جميعا أسعدني النقاش معكم
يا أحلى أعضاء
........
تحياتــــــــــــــ للجميع ــــــــــــي
Abo-Yazan كتب:
والاخت لميس .. متعصبة على رأي ومش قابلة انها تتراجع ابدا ..
اخت لميس انا بحكيلك انه رأيك غلط .. وحاولي انك تراجعي نفسك ..
وتفكري .. وبعدين بتحكي في هاد الموضوع ..
بتقولي احنا احسن منكم .. وانتو ابصر شو مالكم ..
هاد الحكي بدل على انك متعصبة ..
وهيك يعني خلص الكلام .. وما بيلزم انه نتناقش فيه ..
لانو حضرتك بتقولي في كلام صارم .. ونهائي .. يعني كأنه قرار ماخديته ..
هاد الموضوع اسمه موضوع نقاش ما بعرف كيف انتو ماخدينه ..
Abo-Yazan كتب:
وبعدين احنا بنكون مبسوطين لما بكون عندنا بنات بمعدلات عالية ..
بنات بترفع الراس .. .. بنكون فرحانين لانو بناتنا بيدرسوا بالجامعات وبمعدلات عالية ومتفوقة ..
بنكون مسرورين لانو عندنا بنات ذكيات ..
ونفس الشي لما بكون عندنا شباب هيك .. بمعدلات عالية .. ومتفوقين ..
مش لازم انه نتناقش ونقول احنا اشطر او انتو اشطر ..
» عروض إجازة الصيف إلى ماليزيا
» عروض الصيف السياحية الى ماليزيا
» عروض ماليزيا لشهر العسل،رحلة العمر التي لاتنسى
» فتح حساب تداول مع شركة اف اكس كوميشن
» بكج العائلات 4 نجوم في ماليزيا
» بكج شهر العسل في إندونيسيا
» رحلة الأحلام للعرسان الى ماليزيا
» رحلة الأحلام للعرسان الى ماليزيا
» بكج سياحي عائلي في ماليزيا