5 مشترك
مقابلة مع الاولى على فلسطين
- مساهمة رقم 1
مقابلة مع الاولى على فلسطين
- مقابلةمع الطالبة تالة باسم قاسم باطية الأولى ع الوطن للفرع العلمي بمعدل 99.7% تالة كانت بمدرسة طلائع الأمل الثانوية نابلس حتى نعرف ونسمع من الاولى ع فلسطين والاوائل بشكل عام تفاصيل حياتهم الدراسية اللي عاشو وقدرو يوصلو ويجيبو معدل يرفعو فيه راسهم وراس أهلهم وصحابهم طول العمر و الاسئلة اللي سألناها اياها كانت : 1- شو شعورك لما عرفتي النتيجة ؟ أوصفيلنا الموقف ؟ * كتير فرحت ، وما كنت مصدقة ولهلأ مش مصدقة وكل اللي حولي فرحانين اكتر مني . 2- مين اول واحد حكالك مبروك وهناك ؟ * مرة عمي . 3- نتيجتك هادي هي اللي حددت معدلك ولا انتي كنتي مخططة من قبل شو ناوي تدرسي ؟ * كنت ناوية شو بدرس بس النتيجة عززت أكتر وشجعتني أكتر وراح أدرس طب . 4- بأي جامعة راح تدرسي ؟ * بالجامعة الاردنية او النجاح . 5- لما طلعت النتيجة هيك شو أول طلب طلبتي من اهلك ؟ طلبتي شي محدد ولا كان الاشي عفوي هيك ؟ * ما في شي محدد ، مع انو بابا حكالي شو مبدك اطلبي ، بس انا ما بدي شي . 6- المعدل العالي بالتوجيهي نعمة ولا برأيك العكس " نقمة " ؟ * أكيد نعمة ، بس سلبي ممكن انو عشان بحير الواحد ، بس اكيد ايجابي اكتر وكلها بتهون بفرحة النجاح. 7- مادة التوجيهي برأيك بتعتمد ع الفهم او الحفظ كـ طالبة علمي ؟ * فيها فهم وبرضو فيها حفظ ، لأنو المناهج الفلسطينية فيها مواد مشتركة بين العلمي والادبي 8- شو أكتر مادة تغلبت فيها ؟ * الادارة 9- كم جبت فيها ؟ * 100% 10- في 3 علامات راحو من معدلك وينهم ؟ * علامة بالكيميا وعلامة تعبير بالانجلش وعلامة تعبير بالعربي . 11- لمين بترجعي بالفضل انك جبتي هاد المعدل العالي ؟ * الفضل لله اولا ، وكمان لمدرستي ومعلماتي وجهودهم معانا . 12- شو الحافز اللي خلاكي تجيبي هيك معدل وتصبري واتضلي للأخر ؟ * انو كنت بدي أجيب الاولى هو كان أكتر حافز ، وكان هاد طموحي من اول السنة . 13- كنتي اتضلي للساعة 2 تدرسي وتقومي الصبح بدري تكملي ؟ كيف كان نظامك بلدراسة ؟ * لأ السهر ابدا ، 9 ونص كنت انام واقوم الصبح بدري قبل الفجر بساعة اصلي واقرأ قرآن وبعدها ابدا أدرس . وأحسن وقت دراسي كان بالنسبة الي من الفجر للعصر 14- كم كان معدلك بالمدرسة ؟ بالامتحان التجريبية بالمدرسة ؟ * النهائي بالمدرسة 98.7% وبالتجريبي 99% . 15- كنتي تستعيني بنماذج اسئلة سنوات سابقة ؟ * كتير ، أكتر شي للطالب واهم شي لازم يحلهم سنوات سابقة واسئلة الوزارة . 16- شو تقييمك لمستوى أسئلة الامتحانات بالتوجيهي هاي السنة ؟ * اكيد ، ما كان سهل ، بس اي حدا دارس بنجح . 17- كان عندك ضغط نفسي بالنسبة للمعدل اللي لازم تجيبي بالتوجيهي ؟ ولا كان الاشي هاد يعطيكي دفعة معنوية ؟ * لا كان يعطيني دفعة معنوية وما كنت مضغوطة . 18- تقييمك لمرحلة التوجيهي بعد مخلصتي منها ؟ * رحلة حلوة . 19- بالعطلة الصيفية اللي قبل التوجيهي ، كنتي تاخدي دورات ؟ الها فايدة ؟ * أه ، أخدت فيزيا كيميا و رياضيات ، وكل واحد بشوف المناسبو ، بس انا بالنسبة الي حسيت انو الواحد بس ياخد دورات برتاح نفسيا ، انو يعني يكون بالعطلة ومش عامل شي وعليك توجيهي بكون متدايىء. 20 - كيف كانت نفسيتك قبل متفوتي على الامتحان ؟ * اخر 5 ايام كنت استنى الوزاري ، كانت اعصابي مشدودة ، مش خوف بس كان الو رهبة شوي . 21 - كنت تملي من كتر الدراسة والضغط ؟ * في اوقات اه . 22 - وانت بتجاوبي ع اسئلة الامتحان ، كنتي توصل لدرجة انك خلص بدك تطلعي وتسلمي الورقة وتخلصي ؟ * كنت اخلص بنص الوقت دايمن ، بس نص الوقت التاني كنت اراجع وأسلم اخر وحدة . بس بامتحان الكيميا استعجلت شوي وسلمت بدري وخسرت علامة . 23 - بوقت امتحانات الوزارة كم ساعة كنتي تدرسي ؟ * تقريبا ع 2 الضهر أكون مخلصة . 24 - لازم تحفيز من الاهل ولا هي شغلة ذاتية بالطالب عشان ينجح ويتفوق ؟ * الأغلب ذاتية ، مع انو أهلي كانو يساعدوني بس ما كانو يحكولي انو بدنا اتجيبلنا من الاوائل وهيك . 25 - لما تيجي تنامي بتحسي انو كان يومك متعب ولا كان يوم دراسي عادي ؟ بتحسي انك مرتاحة ودارسة ؟ * كنت انام دايمن على الكتاب ، ع 9 ونص انام وبتزكرش اني حلمت طول فترة التوجيهي . 26- الدور الاساسي للنجاح بالتوجيهي بيعتمد ع الطالب ولا ع الاستاز ؟ * بالتعاون بين التنين ، الاستاز بوفرلنا كل الافكار والمطلوب ، بس الطالب ازا ما درس هي وقلتها واحد . 27 - وانتي بتقدمي بالامتحان ، كان يجيكي سؤال ما تعرفي ، كيف كنتي تحافظي ع تركيزك وتحاولي تحلي ؟ * اه بامتحان الانجليزي والاحياء اجاني سؤال ما عرفت أحلو ، اول شي كنت اعملو أعد العلامات عليهم وبعدين اطلع ع البنات واقول لحالي لا هاد طبيعي طبيعي ، وأحاول قد ما بقدر أكتب أكبر كم . 28- وانتي رايحة ع قاعة الامتحان ، كنت تمسكي الكتاب وتراجعي بالطريق وانتي ماشية ؟ * اه بس منظر ، ما بحب اراجع وانا رايحة ع الامتحان ، بس مش معقول ومش منظر الواحد يكون رايح هيك . 29 - بتشوفي انو هاي السنة كانت أصعب من السنوات الماضية ؟ سنة 2009 ؟ * اه أصعب من 2008 و 2007 بس مفروض التوجيهي يكون هيك . 30 - حاولتي تغش بالامتحانات او تغششي ؟ * لا مستحيل ، الوضع بقاعات الوزاري بكون منضبط . 31 - كنتي تطلع من البيت ؟ كانت الحياة الاجتماعية عندك موجودة وتمارسيها وهواياتك بشكل طبيعي ؟ * خلال السنة طبيعي ، وكل خميس الا ما أطلع ، بس بفترة امتحانات الوزارة لأ . 32 - شو الظروف والعوامل الايجابية بحياتك اللي خلتك اتجيبي هيك معدل ؟ * الفضل لله اللي وصلني لهاي الرحلة ، ويمكن لأني كل امتحان كنت أدرسو كأنو امتحان وزاري وأراجع اخطائي وأعالج أغلاطي أول بأول طول السنة . 33 - لما كنت تنضغطي وتحسي حالك مش قادرة تدرسي ، شو كنتي تعملي ؟ * بترك لكتاب اول شي ، وحسب المزاج ازا كان جاي ع بالي اطلع او امشي او قراءة القران . 34 - كنتي تستعيني بمواقع الكترونية تعليمية ؟ و كنتي تحلي اسئلة من المساعدات الخارجية ؟ * لا بالمرة لأنها بتضيع الوقت ، بس بالعطلة الصيفية كنت أنزل اسئلة ، باقي السنة لا . لأنو لما يشتغل الكمبيوتر وافتح وادور بدو نص ساعة وهاي أولى ادرس فيها شي تاني من الكتاب. و ايام الجمعة والسبت كنت أحل اه . 35 - يوم نتيجة التوجيهي رحتي اتجييبها انتي من المدرسة ولا قعدتي اتدوي عليها من الانترنت ؟ * رحت ع المدرسة وعرفت من المدرسة لما سمعت الخبر . 36 - شو بتوجهي كلمة هيك نصائح لطلاب التوجيهي ؟ * ادرسو منيح وحطو الهدف قدامكم وادرسو كل امتحان كأنو امتحان وزاري . 37 - لو الأهل ما ساعدو الطالب حتى لو كان متفوق ومجتهد ، ممكن يجيب هيك معدل ويكون زي مبحلم ؟ * اه ممكن ، بنظري انو اللي بدو يتفوق بحول الظروف السلبية اللي حوليه لأيجابية وبيقدر . 38- شو رأيك بطلاب غزة ؟ ما شاء الله عليهم ، قلوبنا كانت معهم ، وما اتخيلت انو ممكن يطلع منهم اوائل ، بالظروف اللي عاشوها وبيننا احنا انو المعاناة بتولد الابداع . 39 - شو كلمتك لـ فلسطين ؟ * الله يعينا انو نرفع وطنا لأعلى شي بعلمنا ، ونقدر نبني ونرجعو النا . منقول للفائدة وبهيك ختمنا المقابةمع تالة باطية الاولى على الوطن فلسطين بمعدل 99.7% بالفرع العلمي
فارسة الظلام- مشرف منتدى ادم حواء
- الجنس :
الابراج :
الأبراج الصينية :
عدد المشاركات : 1552
العمر : 28
البلد : فلسطين
الحالة الاجتماعية : لسا بكير(طالبة)
العمل : غير معروف (لا شيء)
نقاط : 19872
السٌّمعَة : 3
تاريخ التسجيل : 01/07/2009
الوسام :
بطاقة الشخصية
your sms:
- مساهمة رقم 2
رد: مقابلة مع الاولى على فلسطين
:king:
لميس- مشرفة منتدى التسلية والمنتدى الطلابي
- الجنس :
الابراج :
الأبراج الصينية :
عدد المشاركات : 2503
العمر : 30
البلد : فلسطين
الحالة الاجتماعية : لسا بدري
العمل : طالبة علمي *_*
نقاط : 21382
السٌّمعَة : 18
تاريخ التسجيل : 13/08/2007
الوسام :
بطاقة الشخصية
your sms:
- مساهمة رقم 4
رد: مقابلة مع الاولى على فلسطين
والله شكلها واعية من كلامها
ان شاء الله نوخذ بكلامها بعين الاعتبار
شكرا لكي متمردة ومن افضل لافضل
بالتوفيق
ان شاء الله نوخذ بكلامها بعين الاعتبار
شكرا لكي متمردة ومن افضل لافضل
بالتوفيق
قمر الليل- مشرف المنتدى العلمي
- الجنس :
الابراج :
الأبراج الصينية :
عدد المشاركات : 716
العمر : 31
البلد : حبيبتي بيت عوا
الحالة الاجتماعية : لسى بدري
العمل : طالب كلية الهندسة
نقاط : 18194
السٌّمعَة : 8
تاريخ التسجيل : 20/06/2009
الوسام :
بطاقة الشخصية
your sms:
- مساهمة رقم 5
رد: مقابلة مع الاولى على فلسطين
شكرا لكي اختي
انشاء اللة ربنا بجعلنا من المتفوقين متلها
يسلمو حبيبتي
انشاء اللة ربنا بجعلنا من المتفوقين متلها
يسلمو حبيبتي
* Girlish_Girl*- {{ مشرف عـــام }}
- الجنس :
الابراج :
الأبراج الصينية :
عدد المشاركات : 1142
العمر : 29
البلد : Unfree Palestine
الحالة الاجتماعية : Thanks god
العمل : Student
نقاط : 19331
السٌّمعَة : 29
تاريخ التسجيل : 24/04/2009
بطاقة الشخصية
your sms:- مساهمة رقم 6
رد: مقابلة مع الاولى على فلسطين
اعجبتني عبارة المعاناة بتولد الابداع
مشكووووووووورة اخت متمردة
يسلمووووووووووووووو
..
...
تحياتـــــــــــــــ للجميع ــــــــــــــــي
الجمعة 4 مايو - 23:46 من طرف سلطانه الشمريه
» عروض إجازة الصيف إلى ماليزيا
الخميس 3 مايو - 15:27 من طرف سلطانه الشمريه
» عروض الصيف السياحية الى ماليزيا
الثلاثاء 1 مايو - 17:39 من طرف سلطانه الشمريه
» عروض ماليزيا لشهر العسل،رحلة العمر التي لاتنسى
الثلاثاء 24 أبريل - 17:42 من طرف سلطانه الشمريه
» فتح حساب تداول مع شركة اف اكس كوميشن
الثلاثاء 24 أبريل - 12:04 من طرف عروووض
» بكج العائلات 4 نجوم في ماليزيا
الأربعاء 18 أبريل - 23:35 من طرف سلطانه الشمريه
» بكج شهر العسل في إندونيسيا
السبت 14 أبريل - 17:09 من طرف سلطانه الشمريه
» رحلة الأحلام للعرسان الى ماليزيا
الأربعاء 11 أبريل - 17:31 من طرف سلطانه الشمريه
» رحلة الأحلام للعرسان الى ماليزيا
الأربعاء 11 أبريل - 17:29 من طرف سلطانه الشمريه
» بكج سياحي عائلي في ماليزيا
الخميس 5 أبريل - 15:51 من طرف سلطانه الشمريه